من قدكم يا بنات الحسا .‎

من طرف ???? الإثنين يوليو 12, 2010 2:41 pm

بقلم شاعر المليونير (غسان القصيبي) وكيل البيبسي فى الشرق الاوسط

يقولـون العـرب صـوت البنيـة يذوب الرّجـال
ترى قولـة هلا منهـا تسـوي داخلـي زلـزال

خصوصا لا طلعـــت قولة 'هــلا' مـن حساوية
أذوب إن قالت شلونك عساك بخير كيف الحال؟
واضيـــّع إسـم جدانـــي إذا قـالـــت حساوية

حلاها شي مو عـادي وميزتهـا ... وسيعـة بـال
هواها يذبح العاشـق .. وفيهـا الشمـــس والفيّـة

واذا قالت أنا سنية .. صدقنـي يجينـي هبـال
وانا أدري إن الحلا سني..واساس الزيـن سنية

أبثني خطوتي للزين وباطـوي فـي لقـاه أميـال
وينبــض قلبـي بسرعـــة إذا قالـــت حساوية

خفيفٍ دمها سكر ...عليها مـن الوصـوف أشكـال
تحيــّـر مـن يوصّفهــــا ... لأنهـا غيـــر عـاديــــة

وأقوم ألعب على طروق الشعر .. وآجر لي مـوال
على ألحـان .. إن قالــت أنا بنيـــة حساوية

رقيقة كنها النسمة ..جمـال وحسـن عـال العـال
وهي أصـل الشقــا والطـب لقلـــوب الشقاويـــة

وأجوب الساحل الشرقي .. وأغنـي للبحـر يامـال
وأردد ياهـوى بالــــي .. إذا قالـت حساوية

دلعها غير عـن كـل البنـات وتشهـد الأمثـال
وتكتبتهــــا القصائـــد ثــم تغنيـهـــا الغنـاويـــة

وأنا لمن سألتوني ترى عشقـي ثـرى ورمـال
واموت واحيا على عشقي ... وانا أحـب الحساوية

هههههههههههههههههههههههههه يا لبيه يا نااس على بناات الحساا وه بس من جد